Guns N' Roses

Guns N' Roses — ამერიკული მძიმე როკ-ჯგუფი, რომელიც ჩამოყალიბდა ლოს-ანჯელესში, კალიფორნია, 1985 წელს. ჯგუფის მუსიკალურმა სტილმა, სცენაზე ხშირად გამოჩენამ და ცუდი ბიჭების იმიჯმა ხელი შეუწყო დაეპყროთ გვიანი 80-იანების და ადრეული 1990-იანი წლების მძიმე როკის სცენა. მაშინ როდესაც გლემ მეტალი წამყვან სტილად ითვლებოდა და ლიდერობდა გაყიდულ ჩანაწერებში, Guns N' Roses-მა მსმენელს შესთავაზა მუსიკა, რომელმაც ხელი შეუწყო გლემ მეტალის პოპულარიზაციას და უამრავი მსმენელი მიიზიდა. ჯგუფმა განსაკუთრებულ წარმატებას მიაღწია 1987-1993 წლებში, მაგრამ წევრებს შორის არსებულმა უთანხმოებებმა გამოიწვია პირველი შემადგენლობის დაშლა. დღეს ერთადერთი წევრი თავდაპირველი შემადგენლობიდან ექსლ როუზია, რომელიც უკვე 26 წელია, რაც ამ ჯგუფის ვოკალისტად მოღვაწეობს.
მუსიკოსები:

ექსლ როუზი – ვოკალი, ფორტეპიანო (1985–დღემდე)

დიზი რიდი – კლავიშებიანი ინსტრუმენტები, ფორტეპიანო, სინთეზატორი (1990–დღემდე)

ტომი სტინსონი – ბას გიტარა, დამატებითი ვოკალი (1998–დღემდე)

კრის პიტმენი – კლავიშებიანი ინსტრუმენტები, პროგრამირება, დამატებითი ვოკალი (1998–დღემდე)

რიჩარდ ფორტუსი – რითმული და წამყვანი გიტარები, დამატებითი ვოკალი (2002–დღემდე)

ფრენკ ფერერი – დასარტყამი ინსტრუმენტები, პერკუსია (2006–დღემდე)

რონ თალი – წამყვანი და რითმული გიტარები (2006–დღემდე)

დიჯეი ეშბა – წამყვანი და რითმული გიტარები (2009–დღემდე)

სტუდიური ალბომები:

Appetite for Destruction (1987)

G N' R Lies (1988)

Use Your Illusion I (1991)

Use Your Illusion II (1991)

The Spaghetti Incident? (1993)

Chinese Democracy (2008)

ჯინსების თაობა

1983 წელს რამდენიმე ქართველმა ახალგაზრდამ საბჭოთა საქართველოდან თვითმფრინავის გატაცება და ამ გზით ამერიკაში მოხვედრა სცადა. გულუბრყვილო მცდელობა წარუმატებელი აღმოჩნდა, რომელსაც  მსხვერპლიც მოჰყვა თვითმფრინავის ეკიპაჟის წევრებსა და მგზავრებს შორის. დაიღუპნენ გამტაცებლებიც, მათი უმეტესობა კი სასამართლოს წინაშე წარსდგა. 
ტერორიზმის ბრალდებით დაპატიმრებულ ახალგაზრდებს, ფეხმძიმე გოგონას გარდა, საბჭოთა ხელისუფლებამ სასჯელის უმაღლესი ზომა, დახვრეტა მიუსაჯა. სიკვდილით დასაჯეს ადამიანიც, რომელიც თვითმფრინავში საერთოდ არ მჯდარა, მაგრამ გამტაცებლების მეგობარი იყო. ,,თვითმფრინავის ბიჭების საქმე" თანამედროვე, პოსტსაბჭოთა საქართველოში ჯერ კიდევ აქტუალურია. დღემდე კამათობენ იმაზე, სინამდვილეში ვინ იყვნენ ეს ახალგაზრდები: ჩვეულებრივი ტერორისტები თუ გმირები, რომლებიც საბჭოთა ხელისუფლებას დემონსტრაციულად დაუპირისპირდნენ. 

გეგას საკანი

გეგა და ირაკლი

განაჩენი

თინა ფეტვიაშვილი

თინა, გეგა, სოსო წერეთლი

ეკა ჩიხლაძის თხოვნა

თინა დოკუმენტურ ფილმ "ბანდიტებში"

ვისაც აინტერესებს სადაა ახლა თინა ფეტვიაშვილი, გეტყვით, რომ ის კვიპროსზე ცხოვრობს ქმართან და 20 წლის შვილთან ერთად. ის ციხიდან გამოვიდა განაჩენიდან 5 წლის შემდეგ და გათხოვდა ქართველი მსახიობის სოსო ლაღიძის შვილზე.
დააჭირეთ და ნახეთ სოსო ლაღიძის ინტერვიუ, სადაც ის გვესაუბრება შვილის ოჯახზე

 დათო ტურაშვილის წიგნი "ჯინსების თაობა"
თემურ ჩხლაძე და ეკა ჩიხლაძე

სოსო წერეთელი

მამა თეოდორე

"ლაზარე"

ძმები ივერიელები

 

დათო დოიაშვილმა დადგა სპეკტაკლი "ჯინსების თაობა", რომელიც დღესაც ანშლაგით მიმდინარეობს.

 

 

 

ირაკლი ჩარკვიანის და გამომძიებლის დიალოგი წიგნიდან. სწორედ მან და დავით ევგენიძემ მიუძღვნეს სიმღერა გეგას, რომელსაც "Emotions" ჰქვია. ეს სიმღერა ძალიან უყვარდა ლევან აბაშიძესაც.

 

 ნახეთ სპეკტაკლი "ჯინსების თაობა"

 

ხშირად ისმის კითხვა თუ ვინ იყვნენ სინამდვილეში ეს ახალგაზრდები-ტერორისტები თუ გმირები. ჩემთვის არც ერთი და არც მეორე, უბრალოდ თავისუფლების მოყვარული ახალგაზრდები, რომელთაც ვერ აირჩიეს კარგი გზა ფიზიკური თავისუფლების მოპოვებისთვის და წინასწარ გაყიდული გეგმით მოქმედებდნენ. მათი მცდელობა კრახით და მათთვის წარმოუდგენელი განაჩენით დასრულდა, ეს არის საბჭოთა კავშირისთვის დამახასიათებელი დახვრეტა. :(

 

ირაკლი ჩარკვიანი (მეფე)

ქართველი მუსიკოსი, პოეტი, წიგნის ავტორი ირაკლი ჩარკვიანი დაიბადა 1961 წლის 19 ნოემბერს. მისი მუსიკალური მოღვაწეობა დაიწყო 1976 წელს, ჯგუფ „არიშთან“ ერთად. მუსიკოსის შემდეგი ჯგუფი იყო ნაკლებად ცნობილი, ინდი ჟანრის კოლექტივი „ტაქსი“, რომელშიც აგრეთვე უკრავდნენ დადა დადიანი, ბიჭიკო ოსიპოვი და კახა კიკაბიძე. ალბომის „ტაქსი“ (1988) გამოცემის შემდეგ მსმენელებმა დიდი ინტერესი გამოიჩინეს მათი მუსიკის მიმართ. ირაკლის პირველი სოლო-გამოჩენის მაუწყებელი იყო სიმღერა „War is Over“. მისი პირველი სოლო-დისკი, „Svan Songs“ ჩაიწერა და გამოიცა1993 წელს (გერმანია). ეს მნიშვნელოვანი სოლო-დებიუტი იყო და დღემდე ითვლება 90-იანებში ჩაწერილი ქართულენოვანი ალტერნატიული დისკების ერთ-ერთ მთავარ ნიმუშად. 1997 წელს გამოიცა მუსიკოსის მეორე სტუდიური ალბომი „აფრენ“. 1999 წელს გამოჩნდა სიმღერა „საქართველო“, 2000 წელს შემდეგი დამოუკიდებელი სიმღერა „უსაფრთხოება“. ირაკლის მორიგი სტუდიური დისკი „ამო“ გამოჩნდა 2001 წელს. ეს ალბომი ცნობილია სიმღერებით „სექსი“ და „ორღანი’78“ . 2004 წელს გამოჩნდა ალბომი „სავსე“, რომელიც დაემთხვა ირაკლის შემოქმედების თაყვანისმცემელთა ახალი ტალღის გამოჩენას. 2006 წლის 25 თებერვალს მუსიკოსი გარდაიცვალა საკუთარ სახლში.

In heaven they only talk about the sea

Knockin' on Heaven's Door (კაკუნი სამოთხის კარზე)-ასე ჰქვია 1997 წელს გადაღებულ  გერმანულ ფილმს, რომელშიც მთავარ როლში ტილ შვაიგერი და რუთგერ ჰაუერი არიან. ფილმში ბედისწერა ორ განსხვავებულ ადამიანს ახვედრებს ერთმანეთს, რომელთაც საერთო მხოლოდ ექიმების გამოტანილი სასიკვდილო განაჩენი აქვთ. აღმოჩნდება რომ არცერთს არ აქვს ნანახი ზღვა. ისინი გაიტაცებენ მანქანას, რომლის საბარგულშიც მილიონი დოლარი დევს. მათ ბევრი სირთულის გადალახვა მოუწევთ რათა აისრულონ მთავარი ოცნება და ზღვაზე მოხვდნენ, რადგან სამოთხეში მხოლოდ იმაზე ლაპარაკობენ რა ლამაზია ლურჯი, უკიდეგანო ზღვა. 

აქ შეგიძლიათ უყუროთ ქართულად